محمد و منى

منى تقول لحبيبها : (برومانسيه) شايف النجوم يامحمد محمد: نجوم ايه بس فى عز الظهر دا انا الشمس حرقت افايا
منى : الله يامحمد بص السحابه اللى هناك دى اللى عليها العصافير
محمد: لا والله ياحبيبتى انا مش شايفها بس شايف دخان العربيات اللي خنقنى
منى : يوووووووه يامحمد خليك رومانسى شويه
محمد: رومانسى ايه بس وانتى مخرجانى فى عز الضهر كده انا الشمس كلت وشى وقالت انا شبعت
منى : انت مش بتحبنى ولا ايه  . محمد: ياستى بحبك
منى: لأ انت كداب انت مش بتحبنى
محمد: يعنى اولع فى نفسى بجاز عشان تصدقى انى بحبك
منى : (والدموع على خدها) لا يامحمد انت اتغيرت خالص
محمد: ياحبيبتى والله بحبك منى : لأ يامحمد متصلحش اللى انت عملته
محمد: وهو انا كنت عملت ايه بس .منى : (تعيط) اهئ اهئ اهئ
محمد: بتعيطى ليه دلوقت  .منى: محمد طلقنى يامحمد
محمد: هوا احنا لسه اتجوزنا عشان اطلقك
منى: يعنى كمان مش عايز تطلقنى
محمد : (يشد ف شعره) يادى الليله السودا انا ايه اللى خرجنى بس
منى: كمان خليتها ليله سودا .. يعنى انا اللى خرجتك غصب عنك
محمد: ياستى مش قصدى. بصى انا مش هرد عليكى عشان مانتخانقش  .منى: للدرجة دى قرفان منى
محمد: (وشه يحمر من الغيظ) يعنى انتى عايزه تتخانقى وخلاص
منى: يعنى انا نكديه يامحمد   .محمد: لأ......انا
منى : انت بتاخدنى على قد عقلى .محمد : حقك عليا وادى راسك ابوسها  .منى : ياسلام كده بكل بساطه
فجأه يقف محمد على سور الكوبرى ويرمى نفسه فى الميه.